“Yersiz istehsal”: dünya hitləri milli ifada
Tanınmış azərbaycanlı prodüserlər Nigar Hacızadə və Emin Əfəndi “Yersiz İstehsal” adlı müştərək musiqi layihəsini təqdim ediblər.
"Ölkə.Az" oxu.az-a istinadən xəbər verir ki, layihədə “The Voice of Azerbaijan” müsabiqəsinin qalibi Emiliya Yaqubova dünyanın ən çox dinlənilən mahnılarını milli kalorit qataraq ifa edib.
Layihənin rəsmi “YouTube” kanalına artıq ilk videoçarx - əfsanəvi müğənni Maykl Ceksonun “Black or White” mahnısının “cover” versiyası yerləşdirilib.
Bu layihə üzərində peşəkar və kreativ komanda çalışır. Layihənin musiqi rəhbəri Anar Keytarmandır.
Layihənin məqsədi Azərbaycanın milli musiqi alətlərinin təbliğatı və ölkə xaricində populyarlaşdırılmasıdır.
Ölkə.Az
