Elza Seyidcahanın oğlundan qadağa
Bəstəkar-müğənni Elza Seyidcahanın oğlu Əkbər anası ilə bağlı qadağa qoyub.
O, anasına sadəcə “Elza” deyə müraciət edilməsinə qarşı çıxıb.
Müğənninin özü də bu fikri təsdiqləyib: “Elza yoxdur. Mənə “Elza Seyidcahan”, “əməkdar artist”, bir də “Elza xanım” deyə bilərlər. Mənim o yaşım deyil ki, durub “Elza” deyəsiniz. Mən heç bir zaman titul xəstəsi olmamışam. Elə olsaydım, bəzi insanlar kimi bütün titullarımı qoyardım adıma. O qədər müdrik olmuşam ki, heç uşaqlıqda məni “Elza” deyə çağırmayıblar. Çünki heç bir zaman uşaq-muşağa baş qoşmamışam. Çalışmışam ki, böyüklərdən öyrənim, müdrik olum. Bu məsələ barədə oğlum da əsəbiləşir, deyir sənə niyə əksər adamlar “Elza” deyirlər? Olmaz ki, “Elza xanım” desinlər?..” (anspress)
Ölkə.AZ
