"Terminator" ekranlara qayıdır

"Terminator" yenidən kinoteatrlarda nümayiş olunacaq.

Ölkə.Az "Liveforfilms.com"a istinadla xəbər verir ki, "Metro-Goldwyn-Mayer" studiyası "Paramount Pictures" və "Skydance Productions"un hazırladığı "Terminator:Genezis"in çıxmasından öncə təkrar 1984-cü il "Terminator"unu prokata buraxmağı qərara alıb.

Ceyms Kemeronun birincisi "Terminator"u 23 iyundan etibarən 20-dən çox ölkədə nümayiş etdiriləcək.

Xatırladaq ki, ötən ilin dekabrında "Paramount" şirkəti 2015-ci ilin iyulunda ekranlara çıxması planlaşdırılan "Terminator. Genezis" filminin ilk treylerini hazırlayıb. Filmin süjet xəttinə görə, hadisələr 2029-cu ildə cərəyan edir. Müqavimət hərəkatının lideri Con Konnor öyrənir ki, Skaynet eyni anda həm keçmişdə hücum etməyi planlaşdırır.

1996, 2003 və 2009-cü illərdə “Terminator” filminin filmin iki, üç və dördüncü seriyaları ekran üzü görüb.

Ölkə.Az