Vəzifə almış teleaparıcı: "Çalışacam ki, əlçatan olum"

ANS və Space telekanallarının keçmiş aparıcısı Zəminə Əliyeva bundan sonra Energetika Nazirliyində çalışacaq.

Ölkə.Az-ın məlumatına görə, teleaparıcı bundan sonra qurumun mətbuat katibi postunu tutacaq. Z.Əliyevə saytımıza açıqlamasında jurnalistlər üçün əlçatan olacağını deyib:

"Əslində jurnalistikadan getməmişəm. Burada da işim xəbərlə bağlı olacaq. Məndən asılı olan nə varsa, edəcəm ki, həmkarlarım xəbərsiz qalmasın".

Qeyd edək ki, Z.Əliyevadan öncə nazirliyin sözçüsü Azər Mənsimli olub.

Xatırladaq ki. Z.Əliyeva uzun müddət ANS-də bir sıra verilişlərin aparıcısı olub. Onun bundan əvvəlki iş yeri Space telekanalı idi.

İntiqam VALEHOĞLU

Ölkə.Az