“Maşın”da əsl savaş başladı

ANS TV-də yayımlanan “Maşın” realiti-şounun finalı artıq canlı yayımlanır.

17 iştirakçı ilə start götürən 13-cü sürətin final mərhələsində finala meyxanaçı Rəşad Dağlı, müğənnilər Samir Cavadzadə və Xatirə İslamla gəlib çıxa bildi.

Finalçıların ağır sınaqları artıq bu səhərdən başlayır.

Saat 11:00-dan maşın ətrafında dayanan iştirakçılara 10 saatdır ki, əllərini maşından çəkmək qadağan edilib. Onlara yalnız 2 dəfə təbii ehtiyaclarını ödəmək icazə verilib. Realiti-şounun finalının şərtləri isə asan deyil. Bu şərtlərə kimin sonadək tab gətirəcəyi, kimin sonadək mübarizə aparacağını isə təxmin etmək mümkün deyil.

Finalçıların iradəsi sınağa çəkiləcək. Onlara əllərini tərpətmək belə qadağan edilib.

Bu gündən etibarən iştirakçılar daimi maşın ətrafında durmalı olacaqlar. Gərginlik məhz indi başlayır. Əsəbləri tarıma çəkilmiş iştirakçıların canlı efirdə nümayiş etdirəcəyi oyunu izləmək istəyirsizsə, hər axşam saat 22:00-da, ANS TV-ın canlı yayımında yayìmlanan realiti şounu izləyin! (ans)

Ölkə.Az