Aytən Səfərova: "Digər telekanalın təklifini qəbul edib-etməməyim ANS-dən asılıdır"
Son zamanlar ANS-dən gedəcəyi bildirilən tanınmış teleaparıcı Aytən Səfərova bu barədə Ölkə.Az-a danışıb.
Teleaparıcı bildirib ki, ANS-də qalıb qalmayacağı ilə bağlı qəti qərar verməyib:
"Hələ ki bilmirəm. ANS mənim ailəmdir, iyirmi ilə yaxındır orada işləyirəm. Amma bununla yanaşı öz şəxsi həyatım, ailəm də var. Hazırda bununla məşğulam. İnşallah, analıq məzuniyyətindən sonra öz işimə qayıdacağam".
A.Səfərova deyib ki, ona digər telekanallardan da təkliflər var:
"Başqa telekanallardan da təkliflər var və mən bunu açıq deyirəm. Amma hamıya demişəm ki, analıq məzuniyyətindəyəm və yalnız bu haqda düşünürəm".
Əməkdaşımızın "digər telekanallardan olan təklifi qəbul etməyiniz mümkündürmü" sualına Səfərova belə cavab verib:
"Digər telekanalın təklifini qəbul edib etməməyim məndən yox, ANS-dən asılıdır".
Qeyd edək ki, A.Səfərova bir neçə ildir ki, "Salam Azərbaycan" verilişinin aparıcısıdır. Hazırda onu telekanalın iki gənc aparıcısı əvəz edir.
İntiqam VALEHOĞLU
Ölkə.Az