Azis yenidən Bakıya gələcək

Artıq ikinci dəfə

Ölkə.Az xəbər verir ki, Bolqarıstan müğənnisi Azis yenidən Bakıya gəlir.

Bu barədə ifaçı özü sosial şəbəkədə məlumat yerləşdirib. "Tezliklə Bakıda...” sözlərini yazan Azis əlavə heç nə qeyd etməyib. Bundan əlavə, Azisin Bakıdakı ilk konsertinin təşkilatçısı Samir Xəttab dekabrın 19-u müğənninin konsert verəcəyi barədə məlumat yayıb.

Xatırladaq ki, Azisin ilk Bakı konserti bu ilin 25 iyulunda baş tutmuşdu. Konsertin təşkilatçısı Samir Xəttab olmuşdu. Anşlaqla keçən konsert uzun müddət yerli media ilə yanaşı, həm də xarici mətbuatın da gündəm mövzusuna çevrilmişdi.

Qeyd edək ki, əsl adı Vasil Troyanov-Boyanov olan Azis pop-folk janrında oxuyur. O, musiqi karyerasına 1999-cu ildən başlayıb. Azis biseksualdır və bunu gizlətmir. Müğənni 2006-cı il oktyabrın 1-də oğlan sevgilisi Niki Kitaetslə qeyri-rəsmi nikaha girib. Bolqar ulduzun 2007-ci ildə keçmiş rəfiqəsi folk müğənni Qaladan Raya adlı qızı doğulub.

Rəşid

Ölkə.Az