Türkiyədə dünən yayımlanan serial izləyənləri qəzəbləndirdi - VİDEO

Türkiyənin “Star” televiziyasında dünən axşam yayımlanan “Sakla beni” serialı izləyicilərin qəzəbinə səbəb olub.

Ölkə.Az xəbər verir ki, baş rollarda Cemre Baysel və Uraz Kayqılaroğlunun olduğu serialda Mete və Nazı canlandıran iki uşaq evlilik oyunu oynamağa qərar verir.

Belə ki, Naz Meteni qolundan tutaraq otağa aparır.

“Gəl evlilik oyunu oynayaq. Bu iki nəfərlik oyundur, böyüklərin oynadığı oyun. Mənə maraqlıdır. Sənə maraqlı deyil?”, - deyə Naz söyləyir.

Ssenarist başda olmaqla aktyorlar və uşaqların valideynləri qınaq obyektinə çevrilib.

Filmə "Sanksiyalar tətbiq olunmalıdır", "Belə səhnələrə görə utanmırsınız?" və "Bu səhnələrə icazə verən valideynlər də onları yazanlar qədər günahkardırlar" kimi rəylər yazıldı.

Tamaşaçılar RTÜK-ə zəng edərək filmi şikayət ediblər.

Günay