Sevda Sanəliyevanın keçmiş əri 3 il müddətində həbs edilə bilər (VİDEO)

Uzun illərdir ki, ərindən ayrılan müğənni Sevda Sanəliyeva iki ildir aliment ala bilmədiyini açıqlayıb. Sənətçi bildirib ki, son 2 ildə 8000 manat aliment pulu yığılıb:

"Keçmiş həyat yoldaşım aliment verməmək üçün deyib ki, xəstəyəm”. 

Əgər Sevda Sanəliyeva şikayətçi olarsa, onun keçmiş həyat yoldaşını hansı cəza gözləyir? 

Hüquq müdafiəçisi Vəkil Səmədov Qaynarinfo-ya açıqlamasında bildirib ki, məhkəmə qətnaməsinin qərəzli şəkildə icra edilməməməsi Cinayət Məcəlləsinin 306-cı maddəsinə əsasən cinayət sayılır:

"Əgər həmin şəxsin qərəzli şəkildə yayınması təsdiqini taparsa o 3 il müddətində həbs edilə bilər. 306-cı (Qanuni qüvvəyə minmiş məhkəmə qətnaməsini, hökmünü, qərardadını, qərarını və ya əmrini qərəzli olaraq icra etməmək və ya həmin məhkəmə aktlarının icrasına maneçilik törətmə) maddədə iki min manatdan dörd min manatadək miqdarda cərimə və ya üç yüz iyirmi saatdan dörd yüz səksən saatadək ictimai işlər və ya iki ilədək müddətə islah işləri və ya üç ilədək müddətə azadlığın məhdudlaşdırılması və ya eyni müddətə azadlığın məhdudlaşdırılması və ya üç ilədək müddətə azadlıqdan məhrumetmə cəzası nəzərdə tutulur”. 
Qeyd edək ki, S.Sanaliyeva iki dəfə ailəli olub. Onun iki övladı var.