Azər Aydəmir \"sənə canım qurban\" rəyi ilə özünü ifşa etdi - Hikmətlə paslaşıbmış

Aktyor Azər Aydəmirin “Apatiya” filminin qala gecəsinə sərxoş qatıldığı bildirilirdi.

Ölkə.Az xəbər verir ki, aktyor açıqlama verərəkən qəribə hərəkətləri ilə diqqət çəkməsi onun sərxoş olması barədə söz-söhbətlərə səbəb olmuşdu.

Sosial şəbəkələrdə isə bir qisim bunun sadəcə PR xarakteri daşıdığını iddia edib.

Belə bir məqamda filmi ərsəyə gətirən aktyor-rejissor Hikmət Rəhimov Azər Aydəmirlə bağlı paylaşımı ilə səsləndirilən fikirləri təsdiqləyib. O, A.Aydəmirin fotosunu paylaşaraq təşəkkür edib:

"Mənə bir gün qabaq dedin ki, hazır ol, filmini PR etmək üçün maraqlı bir üsul tapmışam. Sən marketinqdə birdənəsən, amma bu super idi. Sən mənim dəli balamsan, Azer Aydəmir, yaxşı ki, varsan! Öpürəm", - deyə o yazıb.

A.Aydəmir H.Rəhimovun  təşəkkürünüə "Sənə canım da qurban. Bu hələ nədir ki..." sözləri ilə cavab verib.

Qeyd edək ki, Hikmət Rəhimov dram janrında çəkdiyi “Apatiya” filmi bir ailənin faciəsindən bəhs edir. Film cəsarətli səhnələri ilə qısa zamanda müzakirələrə səbəb olub.