"Sabir Rüstəmxanlının qızı ilə Elçin Sevgililər Günü boşandı" - FOTO

Vətəndaş Həmrəyliyi Partiyasının sədri, millət vəkili və Xalq şairi Sabir Rüstəmxanlının qızının boşandığına dair xəbərlər yayılıb.

Xəbəri əvvəlcə mətbuat az saytında yer alıb.

Bildirilir ki, Aydan Cəfərova-Rüstəmxanlı müğənni Elçin Cəfərovla aralarında olan rəsmi nikahın pozulması məqsədilə Yasamal rayon Məhkəməsinə müraciət edib. Hakim Ayaz Məmmədovun sədrliyi ilə keçirilən bir neçə məhkəmə prosesindən sonra fevralın 14-də qərar qəbul edilib.

Məhkəmənin qərarı ilə Aydan Cəfərova-Rüstəmxanlı ilə Elçin Cəfərov arasındakı rəsmi nikah ləğv edilib.

"Qafqazinfo" saytı isə yazır ki, A.Rüstəmxanlı 2017-ci il təvəllüdlü oğlunun onda qalmasını və qarşı tərəfin aylıq aliment ödəməsini tələb edib. O məhkəmədə bildirib ki, ailədə münasibətlər davam edə bilməyəcək formada sarsılıb və bir-birilərinə inam-etibarları qalmayıb.

"Məhkəmənin qərarı ilə Aydan Cəfərova-Rüstəmxanlı ilə Elçin Cəfərov arasında 2016-cı ildə bağlanmış rəsmi nikah ləğv edilib. Qadının tələbləri qəbul edilib", - deyə qeyd edilib. 

Bizim.media isə müğənni ilə əlaqə saxlayıb, o, informasiyanın yanlış olduğunu söyləyib.