Flora Kərimovadan Kamillə bağlı çağırış: Rusiyadakı azərbaycanlılar...

"Kamilin bu dəfə fürsəti olmadı övladına desin ki, darıxma qızım, ata istirahətə gedir”.

Ölkə.Az xəbər verir ki, bu sözləri Xalq artisti Flora Kərimova deyib. O belə hallarda dövlətdən heç nə ummadığını və buna lüzum duymadığını bildirib:

"Dövlət heç vaxt öz övladını darda qoymayıb və mübarizəsini uğurla sona qədər aparır. Dövlətdən qabaq Rusiyada yaşayan 2 milyon azərbaycanlı millətçiliyini göstərməlidir. 2 milyon balaca güc deyil!
Ukraynada məhkəmələrdə əskik erməni əli ilə Misir qazimizin ömrü gedir, cavanlığı gedir. Hər birimizdən ötrü döyüşdü, qan tokdü, bizim evimizi - torpağımızı qorudu. İndi də Kamil!

Hamı "dua edin" yazır. Amin! Dua-qarğış ilə iş həll olunan idisə, 30 ildə torpaqlarımız geri qayıdardı.

Ümid verən hal oldur ki, səfir artıq hərəkətə keçib. Rusiyada da azərbaycanlı vəkillər birləşib bu işi təmənnasız aparırlar. Çünki Kamilin həbsinin birbaşa millətə aidiyyəti var.

83 yaşımda mən Rusiyadakı azərbaycanlılara, diasporaya üzümü tuturam. İndi xalq olun, həmrəy olun, qoymayın Kamil erməni əlinə təhvil verilisin. Yuxarılardan göstəriş gözləməyin. Qüdrətinizə, gücünüzə güvənin. Hər biriniz iradənizlə təşəbbüs sahibi olun və əminəm ki, övladımızın gözü yolda qalmayacaq", - deyə sənətçi əlavə edib.