Türkiyəli məşhur müğənni: "Kızılcık şerbeti" serialında oynamaq istərdim

"Kızılcık şerbeti" serialında rol oynamaq istərdim".

Ölkə.Az xəbər verir ki, bu sözləri türkiyəli məşhur müğənni Derya Uluğ yerli mediaya müsahibəsində deyib.
“Bir türk serialında rol alsaydınız, hansını seçərdiniz" sualına ifaçı belə cavab verib:

"Onsuz da gənc yaşlarımda teatrda tamaşalarda oynamışam. Həmişə marağım var idi. Çox film və seriala baxıram. Özümdə yeni şeylər kəşf etməyi sevirəm. Bununla bağlı təklif gəlsə, qapımı bağlamaram. Belə bir təklif gəlsə, onun haqqını vermək üçün hər cür təlimə gedər və hazırlaşaram.  Hazırda bir serialda rol alsaydım, bu "Kızılcık şerbeti" olardı. Çox sevirəm. Yayımlandığı gündən bəri o serialın heyranıyam. Orada oynamaq istərdim", - deyə o əlavə edib.

Billurə