Beyonse ərinin 13 yaşlı qızı zorlama ittihamına laqeyd qala bilmədi: Ailədə böhran barədə ilk siqnal
Dünyaca məşhur müğənni Beyonse əri Jay Z-nin (əsl adı Şon Kori Karter) soyadından imtina edib.
Ölkə.az Oxu.Az-a istinadən xəbər verir ki, bu qərar cütlüyün arasında baş verən qalmaqaldan sonra qəbul edilib.
Bildirilib ki, bu yaxınlarda "Forbes" jurnalı Beyonseni ilin ən nüfuzlu qadınları siyahısına daxil edib. Maraqlısı budur ki, jurnalda müğənninin adı Beyonse Noulz kimi qeyd olunub, halbuki əvvəllər o, həmişə Beyonse Noulz-Karter kimi tanınırdı. Bu fakt pərəstişkarlar arasında müğənninin adını dəyişdirməsi barədə söz-söhbətlərə səbəb olub.
O da vurğulanıb ki, Beyonse son 10 il ərzində həmişə ərinin soyadı ilə çıxış edib və özünü "Missis Karter" adlandırırdı. Hətta onun son albomunun adı - "Kovboy Karter" də Jay Z-nin soyadına istinad edir.
Xatırladaq ki, dekabrın 9-da Karter və Şon Kombs (Diddi ləqəbi ilə tanınır) 2000-ci ildə 13 yaşlı qızı zorlamada ittiham ediliblər. Reper bütün ittihamları rədd edir.