Məşhur cütlüyün münasibəti rəsmi olaraq bitdi 

Türkiyəli aktrisa Hande Erçel “İki Dünya Bir Dilek” layihəsində rol aldığı setdə doğum günü sürprizi ilə qarşılaşıb. Tortun üzərində yazılan sözlər isə keçmiş sevgilisi Hakan Sabancıya göndərmə kimi şərh edilib.

Ölkə.az Türkiyə KİV-ə istinadla xəbər verir ki, evlənəcəkləri gözlənilərkən ayrılıq xəbəri gələn cütlükdən, münasibətlərini tamamilə bitirəcəklərini göstərən son bir addım atılıb. Onlar sosial mediada bir-birilərini izləməyi dayandırıblar.

İş adamı Hakan Sabancı ilə 3 il davam edən münasibətini bu ilin əvvəlində bitirən Hande Erçel, ayrılıqdan sonra ilk zamanlarda bütün suallardan qaçmağı seçib.

Lakin bir neçə gün əvvəl ilk dəfə şəxsi həyatına dair suallardan birinə cavab verərək, “Həyatımda heç kim yoxdur. Çox yalnızam” deyib.

Həmidə İbrahimova