Xalq artisti: “Maşınımın qarşısını kəsib...”
Ağstafada yaşayan Xalq artisti Tariyel Qasımov kənd həyatından məmnun olduğunu deyib.
Ölkə.az xəbər verir ki, aktyor Qaynarinfo-ya açıqlamasında bildirib ki, kənddə yaşasa da, tamaşaçılarının diqqətindən kənarda qalmır:
"Yol getdiyim yerdə maşınımın qarşısını kəsirlər. Tamaşaçılarım mənimlə söhbət edir, oynadığım rolları müzakirə edirlər. Sənətimi, obrazlarımı tərifləyirlər. Belə olan halda mən niyə darıxım? Bir an belə məni darıxmağa qoymurlar. Elə darıxan kimi də Bakıdan müxtəlif verilişlərdən zəng gəlir, məni qonaq dəvət edirlər”.
Xalq artisti kənd həyatının özünəməxsus gözəllikləri olduğunu vurğulayıb:
"Adam yaşa dolduqca kəndinə doğru can atır. Kənd həyatı çox gözəldir. Əkib-becərirsən, günün necə gəlib keçdiyini bilmirsən. Həm də burada hər şey təmizdir - havası da, ərzağı da”.
