Məşhur fenomen nişanını qeyd edərkən 27-ci mərtəbədən yıxılaraq öldü - FOTO
Ölkə.az xəbər verir ki, braziliyalı sosial media ulduzu Kauana Bilhar nişanını qeyd etmək üçün Dubayda göydələn binasının 27-ci mərtəbəsindən yıxılaraq ölüb.
27 yaşlı Bilharın ölüm xəbərini anası Darla Bilhar sosial media hesabında paylaşım edərək təsdiqləyib.
Hadisə zamanı Bilharın yanında nişanlısı Barbara Abrantes də olub. Bildirilir ki, faciəli xəbəri qadının ailəsinə Abrantes çatdırıb.
Hakimiyyət orqanları gənc fenomenin ölümünün intihar, qəza və ya qətl olub-olmadığını hələ müəyyən etməyib. Hadisənin tarixi də açıqlanmayıb.
O bu yaxınlarda nişanlanıb və bunu sosial media hesablarında paylaşımlar edərək izləyicilərinə bildirib.
Anası qızının ölümündən sonra istintaqı yaxından izləmək və cənazənin Braziliyaya gətirilməsini təşkil etmək üçün Dubaya gedib.
Daha sonra İnstaqram hesabında qızı ilə vidalaşaraq bu sözləri deyib:
"Sənə olan həsrətimin böyüklüyünü sözlə ifadə edə bilmirəm. Səni çox sevirəm, qızım. Yenidən görüşənə qədər."
Ölkə.az
