Haluk Leventə ağır ittihamlar: “Oğrudur, qumarbazdır”

Ölkə.az xəbər verir ki, Karakurt sosial şəbəkə hesabında paylaşdığı videoda ifaçını ağır ifadələrlə ittiham edib. O, daha əvvəl də məsələ ilə bağlı videolar yayımladığını və xəbərdarlıqlar etdiyini bildirib:

“Neçə dəfə video çəkdim, neçə ay yalvardım. Haluk Levent deyilən bu adam oğrudur, qumarbazdır. Məni tənqid edənlər, söyüş söyənlər, indi haradasınız?

İnsanlar sizə güvənir, çünki onlar təmiz, saf insanlardır. Kömək etmək istəyirlər. Siz isə onların duyğuları ilə oynayırsınız”.

Qeyd edək ki, İstanbul Cumhuriyyət Baş Prokurorluğunun AHBAP Dərnəyi ilə bağlı apardığı istintaq çərçivəsində Haluk Levent barəsində saxlanılma qərarı verilib. İddia olunur ki, Haluk 2020–2026-cı illər ərzində ümumilikdə 990 milyon türk lirəsi (təxminən 36 milyon manat) məbləğində qumar oynayıb və həmin pulun 390 milyon lirəsini (təxminən 14 milyon manat) itirib.(axsam.az)