Azərbaycanlı aktyor: "Polis məni kloun bilib saxladı"

"Gizlənpaç" filminin baş qəhrəmanı Müşviq Şahverdiyev Ölkə.Az saytına açıqlamasında bildirib ki, artıq hər şey qaydasındadır: "Demək olar ki, film tam hazır formadadır artıq. Sadəcə montajda kiçik hissələr qalıb. Ondan sonra komandanı yığıb birlikdə izləyəcəyik. Tamaşaçıar əmin olsun ki, tamamilə ailə filmidir. Romantik komedi janrında olan filmə gəlib rahatca baxa bilərsiz. "Gizlənpaç" filmi digər iki filmimdən daha doğmadır mənə. Özümü çox gözəl tapıram bu rolda, daha rahat hiss edirəm. Çünki kollektiv də gözəldir. Seçimlərimdə yanılmadığıma sevinirəm. Sizə bir şey danışım. Çəkilişlərin birində kloun geyimində küçə səhnəsi üzərində işləyirdik. Polis əməkdaşları yaxınlaşıb məni saxladı. Daha sonra tanıyan kimi hal-əhval tutdular. Çox sağ olsunlar şərait yaratdılar. Filmin qala gecəsini noyabrın ortaları planlaşdırırıq. Sevinirəm ki, bizim kinoteatrlara daxil olduğumuz ərəfədə bir neçə kinoteatr daha açılacaq. "Cinema Plus"un dəstəyi ilə böyük işlərə imza atacağıq".