Valiant Tor: Veneradan Yerə təşrif buyuran yadplanetli

“Ölkə.Az” xəbər verir ki, fotodakı şəxsin yadplanetli olduğu ehtimal edilir. Fil bildirir ki, onunla ilk dəfə hökumətin gizli layihəsində tanış olub. Layihə yeraltı hərbi bazanın tikintisinə aid olub. Bundan başqa Fil bu şəxslə məşhur “51-ci Zona”da da işləyib.

Onun adı Valiant Tor idi və Venera planetindən gəlmişdi. Valiant ABŞ hökuməti üçün işləyirdi. Tor özü belə deyirdi. Şnayderin yayımladığı foto 1943-cü ildə lentə alınıb. İnternetdə Torun əsasən iki fotosu dolaşır. Onların birində 25 yaşlı, qara saçlı kişi var. Məhz bu foto Şnayderin leksiyasında lentə alınıb. İkinci fotoda isə daha yaşlı, ağsaçlı kişi var. O, birinci fotodakı şəxsə çox bənzəyir.

Şnayder bildirir ki, Tor insan kimi görünürdü. Amma fiziki cəhətdən adi insanlardan çox fərqlənirdi. Məsələn, onun hər əlində altı barmağı, böyük ürəyi, bir ağ ciyəri (çox böyük ölçülü) var idi. Bundan başqa qanın tərkibində başqa maddələr də olub. Torun intellekt koeffisienti 1200 olub. Bu isə insan intellektindən çox fərqli idi. Tor 100 dildə danışırdı. Yaşı isə 500 olub.

Bundan başqa Şnayderin fikrinə görə, Tor bir sıra hökumət sirrlərindən vaqif idi. Məsələn, Amerika hökumətində zəlzələ yaradan cihaz var və bundan bir neçə dəfə istifadə edilib. Bundan başqa 1954-cü ildə ABŞ ilə “boz məxluqlar” arasında Qrenada müqaviləsi imzalanıb. AİDS virusu isə Çikaqo laboratoriyasında bəşəriyyəti nəzarətdə saxlamaq üçün yaradılıb. Bundan sonra tezliklə yadplanetlilərin Yerə hücumu başlayacaq.

Fil qeyd edir ki, 1979-cu ildə Dulse hərbi bazasında hökumətin xüsusi xidmət orqanları ilə yadplanetlilər arasında silahlı toqquşma olub. O, bu toqquşmada sağ qalan 3 nəfərdən biridir. Yadplanetlilərin silahının təsirindən Şnayder radiasiyaya məruz qalıb və tezliklə xərçəng xəstəliyinə yoluxub. 1995-ci ildə mühazirə oxuyan zaman bildirib ki, 22 il ərzində 11 ən yaxşı dostunu itirib. 8 nəfər guya intihar edib. 
1993-cü ildə Şnayderin dostu Ron Rammel həlak olub. Rəsmi versiyaya görə, tapançadan ağzına atəş açıb. Amma meyitin yanındakı tapançada nə barmaq, nə də qan izi olub. Ekspertiza isə müəyyən edib ki, meyitin yanında son məktubu olub. Məktub solaxay insan tərəfindən yazılıb. Rammel isə sağ əli ilə yazırdı. 

1996-cı ilin 17 yanvar tarixində Valiant Tor barədə məlumatı sızdırdıqdan sonra Şnayderin meyiti yaşadığı mənzildə tapılıb. Ölümün rəsmi səbəbi intihar kimi göstərilirdi. Amma bəzi məlumatlara görə, meyitin üzərində zorakılıq əlamətləri olub.

Bəzi ufoloqlar bildirir ki, ABŞ xüsusi xidmət orqanları Şnayderi çox məlumatlı olduğu üçün aradan götürüblər.

“Veterans Today” jurnalının baş redaktoru Qordon Daff Şnayderi “UNO şahidi” adlandırırdı. Onun fikrinə görə, Şnayder ABŞ hökuməti ilə yadplanetlilərin əlaqəsi barədə kifayət qədər məlumatlı idir.

Maraqlıdır ki, tempraturun 400 dərəcə olduğu, təzyiqin isə Yerdəkinə nisbətən 100 dəfə çox olduğu Venera sakini planetimizə necə gəlib və həyata uyğunlaşıb? Daxili təzyiq onu parçalara bölməli idi. Bizim hava onun üçün soyuq da deyildi. Bu səbəbdən Şnayderin bəhs etdiyi məsələ cəfəngiyyatdır.
Amma doktor Frenk Streynces də 1959-cu ildə Valiant Torla görüşdüyünü bildirir. Onun “Pentaqonda yad şəxs” kitabına əsasən, Tor ABŞ prezidentləri Duayt Eyzenhauer və Riçard Niksonla da görüşüb. 

Amma görəsən, həqiqətən də Valiant Tor adlı adam olubmu?

Hikmət Həsənov
Ölkə.Az