Yeni "Facebook" gəlir

Sosial mediada növbəti yenilik.

Ölkə.Az xəbər verir ki, sosial media nəhəngi olan "Facebook" iş yerlərinə xüsusi olaraq hazırladığı "Facebook at Work" adlı yeni tətbiqini təqdim edib.

"Facebook at Work" ilə şirkətlər "Facebooku" öz ehtiyaclarına görə dəyişə biləcəklər.Yeni tətbiq normal "Facebook"da olan xidmətləri təqdim edəcək, ancaq "Facebook at Work"da hər hansı bir reklam yer almayacaq. Bununla yanaşı, data təqibi də olmayacaq.

Təhlükəsizlik və gizlilik vəd edən bu sistem sayəsində işçilər arasında paylaşılan məlumatlar yalnız o şirkətin işçiləri tərəfindən görünəcək. "Work" tətbiqi iOS və Android əməliyyat sistemlərini istifadə edən ağıllı cihazlar üçün hazırlanıb. İstifadəçilər iş yerində internetə bağlanıb "Facebook"a daxil olduqda şirkətin xüsusi "Facebook"una girə biləcəklər.

Hal-hazırda bir neçə ofisdə sınanan tətbiq yaxında hər kəsin istifadəsinə açıq olacaq. Tətbiqi test edən şirkətlər bu an üçün hər hansı bir ödəniş ödəmir, ancaq mütəxəssislər Facebookun "Work" tətbiqinin böyük ehtimalla uğurlu olacağını vəd edirlər.

Ölkə.Az