Alimlər: "Qəlyan siqaret qədər zərərlidir"

Alimlər iddia edir ki, qəlyan siqaret qədər insan sağlamlığına ziyandır.

Ölkə.Az xəbər verir ki, mütəxəssislər qəlyanın tütün qədər zərərli olduğunu iddia edirlər.

Bu haqda tədqiqatçıların işləri "BMC Public Health" jurnalında yer alıb. Qəlyanın çəkilməsi zamanı tütün tüstüsü suyu dələrək keçir və bir çox insanlar hesab edir ki, bu prosesdən sonra tüstü təmizlənir. Alimlər qəlyan üçün nəzərdə tutulan tütünün 4 növündə mis, dəmir, xrom, qurğuşun və uran kimi ağır metalların tərkibini analiz edib və sudan keçən qəlyan tüstüsündə zərərli maddələri hesablayıblar.

Araşdırma göstərib ki, su zərərli qatqıların yalnız 3%-ni yox edir və yalnız tüstünün soyudur. Məlum olub ki, tütündə uranın miqdarı milyarda 800 hissəcik qədərdir. Lakin həkimlər suda uranın milyardda 30 hissəcik olmasını tövsiyə edirlər.

Alimlər bəyan edib ki, bu işlər davam etdirilməlidir, çünki tütünün müxtəlif növlərində ağır metalların miqdarı eyni səviyyədə olmaya bilər. Mütəxəssislər əminliklə bildirib ki, təcrübələrin nəticələri qəlyanın adi siqaretdən daha çox zərər verdiyini sübüt edir. Onlar qəlyanın çəkilməsinə sərf olunan vaxtın ortalama 1 saat olduğunu və bu müddət ərzində adi siqaretdən 100-200 dəfə çox tüstünün udulduğunu əlavə ediblər.

Rəşid Mustafazadə

Ölkə.Az