Dua kitablarındakı bu sözlərin fərqi nədir?

Dua kitablarında rast gəlinən “təkbir”, “təsbih”, “təhlil” sözlərinin mənası nədir? 

Bunlar zikr və duaların qısaldılmış adıdır. Təkbir – ərəb dilində “böyütmək, böyük saymaq” mənasını verir. 

Terminoloji mənada isə “Allahü əkbər” ifadəsinin qısa şəklidir. Təsbih - ərəbcə “müqəddəs saymaq” deməkdir və dini anlamda “sübhan Allah” söyləmək mənasını verir. 

“Təhlil” isə “la ilahə illəllah” cümləsinin qısa formasıdır. Dua kitablarında həmin zikrlər barədə danışarkən bəzən ixtisarla bu kəlmələr işlədilir. (islam.az)

Ölkə.Az