2 SİM kartlı, ucuz “Samsung”

"Samsung Galaxy" smartfonlar seriyasına 64 bitlik platformaya əsaslanan yeni ucuz model əlavə edilib.

Cənubi Koreya şirkəti "Galaxy Win 2" smartfonunu təqdim edib. bu barədə ICTnews elektron xidməti bildirir.

Qurğu 1.2 QHs takt tezlikli dördnüvəli Qualcomm Snapdragon 410 prosessoru, 1 QB əməli və 8 QB daxili yaddaşla təchiz edilib. Sonuncunun tutumu microSD çıxarılıb taxılan daşıyıcısının köməyi ilə artırıla bilər.

Əsas kamera LED işıqlandırıcılı 5 meqapiksel təsvir ölçüsünə malikdir, ön kamera isə 2 meqapiksellik təsvir ötürücüsü ilə təchiz edilib. 4,5 düymlük ekran 800x480 piksel təsvir ölçüsünü dəstəkləyir. "Samsung Galaxy Win" qurğusunun birinci nəslində 4,7 düymlük ekran quraşdırılıb.

Elan edilmiş aparat 2000 milliamper/saat tutumunda akkumulyator batareyası, SİM kartlar üçün 2 ədəd slot, Wi-Fi 802.11 b/g/n, Bluetooth 4.0 və GPS simsiz rabitə modulları ilə təchiz edilib və LTE şəbəkəsini dəstəkləyir.

Cihazın ölçüləri 131x68,1x8,8 mm, çəkisi 130 qram təşkil edir. Aparata Android 4.4 KitKat mobil əməliyyat sistemi quraşdırılıb.

"Samsung Galaxy Win 2" modeli üç rəngdə əlçatandır və dəyəri 230 dollardır.

Ölkə.Az