"iPhone 6" bu yeni möhtəşəm funksiya ilə gəlir

"Apple" şirkətinin sabah baş tutması gözlənilən təqdimatına az bir müddət qalmış "iPhone 6" haqqında şayiələr yayılmağa davam edir. 

Ölkə.Az "New York Times"-a istinadən xəbər verir ki, təqdim ediləcək yeni və böyük "iPhone" telefonları ekranlarının ölçüsünün təsirini tarazlaşdırmaq üçün "tək əl rejiminə" malik olacaqlar. Bu rejim istifadəçinin istəyinə görə tənzimlənəcək, yəni açılıb-bağlana biləcək. 

Sabah  "iPhone 6" modelləri 4.7 düym və 5.5 düym variantları olmaq üzərə rəsmən təqdim olunacaqlar. 

5.5 düymlük telefonda olacaq "tək əl rejimi" funksiyası haqqında çox məlumat olmasa da, "Samsung"un "Note" seriyası kimi böyük ekranlı cihazlarındakı "tək əl rejimi" ilə oxşarlığa malik olacağı ehtimalı var.

Misal olaraq, 5.7 düyümlük "Samsung Galaxy Note 3" və 5.9 düyümlük "LG G Pro 2" kiçilən interfeys variantlarına malikdir. Bu interfeys sayəsində ekrandakı görüntü, ekranın küncünə kiçildilə bilir. 

Həmçinin "Huawei" markasının "Ascend Matei" modelində isə klaviaturanı və axtarış lövhələrini kiçiltməyə icazə verir.

Ölkə.Az