"Samsung Galaxy Note 4"-ün xüsusiyyətləri

Cənubi Koreyanın texnologiya nəhəngi "Samsung" şirkəti Berlində yeni smartfonu "Galaxy Note 4"-ü təqdim etdi. "Note" seriyasının əvvəlki modeli olan "Note 3"-lə müqayisədə yeni "Note 4" texniki göstəricilərinə görə çox fərqlənir. 

Ölkə.Az xəbər verir ki, 3.7 meqapiksel ön kameraya sahib olan "Galaxy Note 4" bu kamera sayəsində 120 dərəcə əhatəsində "selfie" şəkil çəkməyə imkan verir.

Yeni telefonun ekran görüntüsünün keyfiyyətində də əhəmiyyətli dəyişiklik olub. 5.7 düyüm ekrana sahib olan "Note 4", 1440 x 2560 piksel təsvir ölçüsünə malikdir. "Galaxy Note 4" "Galaxy S5" modelindəki kimi barmaq izi tanımaq xüsusiyyətinə də malikdir. Ancaq yaddaş həcmindəki dəyişiklik istifadəçilərdə məyusluq yaradıb. 32 GB yaddaşa sahib olan "Note 4" 64 GB yaddaş həcmiylə satışa çıxarılmış "Note 3" modelindən geridə qalır.

Qeyd edək ki, "Galaxy Note 4" oktyabr ayında qara, ağ, qızılı və çəhrayı rənglərdə kütləvi satışda olacaq.