Qulaq çöplərinin zərərləri

Xüsusilə yay aylarında hovuzda, dənizdə çimdikdə və duş aldıqda qulağınıza su qaça bilər

Ölkə.Az bildirir ki, qulaqlarınızı təmizləmək üçün qulaq çöplərindən istifadə etdikdə ehtiyatlı olun. Çünki qulaqlarda cızılma, zədələr, çatlar, kirli qaldıqda iltihablar yarada bilir və hətta sudan infeksiya keçə bilir. 

Qulaq öz-özünə təmizləmə funksiyasına malikdir. Qulaq kiri əslində qulağımız üçün çox faydalıdır, lakin siz qulaq çöpləri ilə təmizləyərkən bilmədən eşitmə problemi yarada bilərsiniz.

Qulaq pərdəsi təxminən 2.5-3 sm içəridə yerləşir. Bərkdən basmaqla anidən qulaq pərdəsini deşə, partlada və ya zədələyə bilərsiniz. Sadəcə dəniz, hovuz və duşdan sonra nəmli qulaqlarınızı qurutmaqla kifayətlənin.

Qulaq çöpləri ilə diqqətsiz davrandıqda qulağın təmizləmə mexanizmini sıradan çıxardır və həmin yerə toplanan su kiflənmiş göbələk xəstəliyini yaradır. 

Qeyd edək ki, qulaq çöplərindən istifadə edərkən onu çıx dərinə salmaq olmaz. Bu qulaq pərdəsini zədələyə bilər.

Gülnar Hüseyn

Ölkə.Az