Oyuncaq körpə xəstəxanası

Avstraliyanın Sidney şəhərində 101 ildir xidmət göstərən bu xəstəxana peşəkar həkimlər yetişdirib  

Ölkə.Az bildirir ki, bu günə qədər heç kəsin adını bilmədiyi bu yer oyuncaq körpə xəstəxanasıdır.

"Reuters" agentliyinin xəbəri ilə şöhrət qazanan "Oyuncaq xəstəxana" bir ailə xəstəxanasına bənzəyir.

Həmçinin xəstəxananın baş cərrahı Geof Çapman  ötən əsrdə ailəsinin bu işə başladığını və qurulduğu tarixdən bəri burada 3 milyondan çox oyuncaq körpə, ayı, təkərli oyuncaqlar və buna bənzər əşyaların  təmir olunduğunu söyləyib.

Xəstəxanaya gətirilmiş oyuncaq körpələrin  ən çox saçları və gözlərində problemlər olur.

25 ildir bu xəstəxanada işləyən Keri  Stuart təmir üçün istifadə etdikləri alətlərin cərrahların əməliyyatlarda istifadə etdiklərinə bənzədiyini bildirib. 

Qeyd edək ki, Çapman işdə ən böyük uğurun günün sonunda müştərilərin göstərdiyi reaksiyanın olduğunu və onlar üçün qiymətli olan bu oyuncaqların ilk halına döndüyünü görəndə gözyaşlarını tuta bilmədiklərini açıqlayıb.

Gülnar Hüseyn

Ölkə.Az