Körpələr niyə barmaqlarını əmir?

Doğuşdan sonra körpələrdə ən güclü reflekslərdən biri də barmaq əmmək hesab edilir

Uşaqların 3-4 yaşına qədər barmaq əmmələri təbii haldır.

Əksər analar körpələri barmaqlarını əmməyə başlayanda yalnız acdıqlarını fikirləşirlər. Lakin barmaq əmmək uşaqların 70%-də vərdiş halını alır. Bəzi körpələr diş çıxardıqlarında damağları qaşındığı üçün, acdıqlarında, tək qaldıqda, qorxduqlarında barmaqlarını əmməyə başlayır. Lakin 4 yaşından sonra yenə barmaqlarını əmməyə davam edərlərsə, bunun psixoloji səbəbləri olur.

Ölkə.Az xəbər verir ki, uşaqlar valideynlərinin diqqət mərkəzində qalmaq üçün barmaqlarını əmirlər. Həmçinin psixoloji gərginliklər və ailə daxilində baş verən hadisələr bu vərdişi davam etdirir.

Körpələrin 18 ay barmaq əmmələri zərərli deyil. Qeyd edək ki, barmaq əmən körpələr süd dişlərinə təsir göstərərək alt və üst dişlərini arxaya atır. 

Uşaqlarınıza barmaq əmmə davranışını tərgitmək üçün təzyiq göstərməyin. Təzyiq göstərdiyiniz təqdirdə onlar dırnaqlarını yeməyə, alt paltarlarını batırmağa başlaya bilərlər. 

Həmçinin uşaqların barmaqlarına istiot sürtmək, qollarını bağlamaq, əllərinə vurmaq kimi təzyiqlər də göstərməyin.

Gülnar Hüseyin

Ölkə.Az