İnternet sizi "xəstə" edə bilər

İnternet bir çox hallarda insanları real həyatdan uzaqlaşdırıb sosial cəmiyyətlə və ailə zəminində münasibətlərinə mənfi təsir göstərir gətirir.

Demək olar ki, bütün evlərdə texnolgiya vasitələrinə rast gələ bilərsiniz. Ölkə.Az bildirir ki, bu cihazlar insanlar arasında yeni mədəniyyət, yazışma üslubu və vərdişlər yaradıb. İnsanlar artıq əksər hallarda üz-üzə deyil, internet vasitəsilə bir-biri ilə ünsiyyət qururlar. 

Üzbəüz təmasdan qaçmaq və ünsiyyət yaratmamaq insan həyatına ciddi şəkildə ziyan vurur. Bu getdikcə insanları real həyatdan uzaqlaşmağa gətirib çıxardır və beləliklə, buna öyrəşən insan bir müddət sonra ictimaiyyətlə əlaqəsini kəsir və xəyal dünyasında yaşamağa başlayır. Bu vərdişdən tək xilas olmaq çox çətindir.

Sosial cəmiyyətlə sıx əlaqədə olmayan insanlar ailə həyatında da uğursuz olurlar və bu ailələrdə boşanmalara gətirib çıxardır. İnsan tək başına bu vərdişdən xilas olmaq istəsə belə nail ola bilmir. İnternetdən uzaqlaşdığında bu insanlarda əsəb pozğunluğu, narahatlıq kimi hisslər ortaya çıxır. Hətta internet istifadə etmək üçün belə yalan danışan insanlarda var. İnternetdə daha çox vaxt keçirmək üçün ailə, iş və məktəb ikinci plana atılır.

İnternet həmçinin insanın sağlamlığına da zərərlidir. Davamlı kompüter qarşısında olan insanlarda bel, kürək ağrıları, görmə qabiliyyətinin zəifləməsi, yuxu sisteminin pozulması, yorğunluq, narahatlıq, qan dövranında pozğunluq kimi problemlərin yaranmasına gətirib çıxadır. İnternet “fast food” tipli qidalar, piylənmə, qan-damar xəstəliklərinin yaranma riskini artırır.

Bu vərdişin qarşısını almaq lap erken yaşlardan olmalıdır. Valideynlər körpələrinə zaman ayırıb onlarla əyləncəli vaxt keçirməlidirlər. Hər zaman onlara örnək davranmalıdırlar. Buna görə də internet istifadə edərkən diqqətli olmalıdırlar.

Valideynlər  uşaqların dərslərində daha müvəfəqiyyətli olmalarına görə kompüter almaları, uşaqların gələcəyinə təsir göstərir. Çünki, daha sonra onları kompüter qarşısından qaldırmak mümkün olmur.

İnternet həyatımızı daha rahat yaşamaq üçün lazımlı cihaz olduğunu unutmamalıyıq. Buna görə də internetdən lazım olduqca və qədərində istifadə etməliyik.

Gülnar Hüseyn

Ölkə.Az