"Facebook"dan yeni sürpriz - YENİLİK

"Facebook" "Messenger"i web sayta çevirib.

Ölkə.Az xəbər verir ki, ötən ay "Facebook"un "Messenger"i öz tətbiqlərinə sahib platformaya çevirmək planları barədə məlumat yayılıb.

İndi isə şirkət bu planlarının bir hissəsi kimi "Messenger" funksiyasını ayrıca web sayta çevirib. "www.messenger.com" saytı bu an yalnız ingilisdilli "Facebook" istifadəçilərinə açıqdır, ancaq bildirilib ki, digər dillərdəki versiyalar qarşıdakı həftələrdə təqdim olunacaq.

Əvvəlində yalnız "Facebook" daxilindən əlçatan olan "Messenger"in yeni masaüstü versiyası "iOS"dakı dizaynını xatırladır.

"Facebook Messenger"in müstəqil formada istifadə edilə bilməsi "Facebook"dan tamamilə ayrıldığı mənasını vermir. "Facebook"dan verilən açıqlamaya görə, sosial şəbəkənin bu cür planı da yoxdur. Yalnız arzu edən istifadəçilər "messenger.com" ünvanına daxil olaraq mesajlara çıxış əldə edə bilərlər.

"Facebook"un sahibi olduğu "WhatsApp" da ötən aylarda web versiyasını təqdim edib.

Ölkə.Az