Qisa müddətdə dil öyrənməyin

Dili belə öyrənin.

Ölkə.Az xəbər verir ki, İrlandiyadan olan Benni Lyuis adlı poliqlot xarici dil öyrənməyin 12 qaydasını təqdim edib. O, 11 dil bilməsinə baxmayaraq, bu gün də öyrənməyə davam edir. Onun verdiyi tövsiyələri sizə təqdim edirik:

1. Lazımi sözləri düzgün şəkildə öyrənin.

Bir dildə olan bütün sözləri öyrənməyə ehtiyac yoxdur. Məsələn, ingilis dilində mətnin 65%-i 300 təkrar sözlərdən ibarətdir. Bu tərkib digər dillərə də xasdır.

2. Qohum sözləri öyrənin.

Bu sözlər sizin dilinizdəki bəzi sözlərlə oxşar və ya eyni olanladır. Fransız, ispan, portuqal, italyan dillərinin ingilis dili ilə çoxlu sayda ortaq cəhətləri var.

3. Sizə lazım olan dillə mütəmadi əlaqədə olun.

Bunun üçün həmin dilin geniş yayıldığı ölkəyə getmək lazım deyil. Radioları dinləyin, tərcüməsiz filmlərə baxın, xəbər və bloqları oxuyun.

4. Dilin daşıyıcıları ilə "Skype" vasitəsilə danışın.

Bu proqramın faydaları barədə danışmağa ehtiyac yoxdur.

5. Pulunuza qənaət edin. Ən yaxşı vəsaitlər pulsuzdur.

İnternetdə çoxlu sayda dillər üçün pulsuz vəsaitlər var. Tənbəlliyin daşını atın və öyrənməyə başlayın.

6. Dil öyrənmək gec deyil.

Yanlış fikirlərdən biri də "Mən çox qocayam, yad dildə danışmağa öyrənmək üçün gecdir" fikridir.

7. Assosiasiyalar uydurun.

Əzbərçilik kifayət deyil. Yeni sözləri öyrənmək və yadda saxlamaq üçün onlarla bağlı assosiasiyalar yaradın.

8. Səhvlərinizi qəbul edin.

Ünsiyyətdən qorxmayın, səhv etməkdən çəkinməyin. Dilləri təkcə əzbərləmək yox, həm də istifadə etmək lazımdır. Özünüzü dili ideal öyrəndikdən sonra danışmağa məcbur etməyin. Səhvlərinizə sadəcə gülün.

9. Qarşınıza "ağıllı" məqsədlər qoyun.

Çox vaxt biz qarşımıza "ispan dilini öyrənməliyəm" kimi məqsədlər qoyuruq, ancaq bu "ağıllı" məqsəd deyil, çünki siz dili nə vaxt tam öyrəndiyinizi bilmirsiniz. Məqsədlərini konkretləşdirin.

10. Təcrübəyə vaxt sərf etməyə hazır olun.

İnsanlar bəzən bütün gününü dil öyrənməyə sərf edir. Siz də bacardığınız qədər zamanınızı sırf dilə ayırın.

11. Dilin daşıyıcıları kimi danışmağı öyrənin.

İntonasiya, diksiya və ləhçələrə fikir verin.

12. Eyni anda bir neçə dil öyrənməyin.

Bu qaydalara əməl etməklə siz böyük nailiyyətlər əldə edə bilərsiniz.

Rəşid Mustafazadə

Ölkə.Az