#buölkədən Ukraynaya "bazlıq" üçün gedən qaqaşlar...
Günel Fərhadqızı
"Biz elə bir cəmiyyətdə yaşayırıq ki..."
1. Biz elə bir cəmiyyətdə yaşayırıq ki, bizi piyada kimi polis 20 manat cərimələməsə, piyada üçün nəzərdə tutulmuş yerüstü, yeraltı, "zebra" kimi keçidlərdən istifadə etmərik. İçkili vəziyyətdə sükan arxasında oturub qəzaya düşmək və ya qəza vəziyyəti yaratmq üçün sinov gedirik. yolda
2. Biz elə bir cəmiyyətdə yaşayırıq ki, dostlarımızdan biri daha çox hesab verirsə, ona "şotverən", "lox" adı qoyuruq.
3. Biz elə bir cəmiyyətdə yaşayırıq ki, pulumuz, daimi işimiz olmadığı halda, kredit götürüb, borc alıb bahalı telefon, maşın, ev almaq istəyirik. Sonra pulsuz və işsiz qaldığımız halda, bizə borc verənlər olduda və bir gün gəlib borclarını istədiklərində hələ bir onları "borclu" da çıxarırıq...
4. Biz elə bir cəmiyyətdə yaşayırıq ki, özümüzü ictimai rəy, qınaq və mentalitetimizə görə üzdə "ağır canlar", "səviyyəli, ideal insanlar" göstərib saman altdan su yeridirik...
5. Biz elə bir cəmiyyətdə yaşayırıq ki, öz qüsurlarımızı görmürük, özgəsində axtarırıq qüsurları, öz həyatımızı qapalı bilib özgələrin həyatına müdaxilə edib, özgələri ilə maraqlanıb onları müzakirəyə çıxardırıq...
6. Biz elə bir cəmiyyətdə yaşayırıq ki, qarnımız tox olanda belə gözümüz tox olmur, doymur... Başqasında olan bizdə olmayanda paxıllıq edirik...
7. Biz elə bir cəmiyyətdə yaşayırıq ki, başqasının halalına göz dikməkdən, halalı qoyub harama maraq göstərməkdən çəkinmirik...
8. Biz elə bir cəmiyyətdə yaşayırıq ki, nisyə mal almaq istəyirik, özümüz isə nisyə mal satmaq istəmirik...
9. Biz elə bir cəmiyyətdə yaşayırıq ki, sağlam tənqid edənləri tənqid etdiyi üçün tənqid və təhqir edirik...
10. Biz elə bir cəmiyyətdə yaşayırıq ki, həyatımızda tam xoşbəxt olmağı bacarmırıq, hər zaman nədənsə narazıyıq, çünki özümüz üçün yox, başqaları görsün deyə yaşayırıq...
11. Biz elə bir cəmiyyətdə yaşayırıq ki, bazarda və ya bir ticarət obyektində yalançı endirim kampaniyaları keçirdib öz müştərilərimizi aldadırıq...
12. Biz elə bir cəmiyyətdə yaşayırıq ki, öz dilimizdə danışmaqdan çox, xarici dillərdə öz aramızda danışırıq. Hələ bir öz dilimizdə danışmayana yuxarıdan aşağı da baxırıq.
13. Biz elə bir cəmiyyətdə yaşayırıq ki, fərdlər olaraq bir çoxumuz qanunları bilmirik, hətta biləndə də bilə-bilə pozuruq, sonra da öz günahlarımızı görməyib başqalarını günahkar bilirik...
14. Biz elə bir cəmiyyətdə yaşayırıq ki, üzümüz gülsə də, qəlbimiz ağlayır, həyat adlı oyunda gözəl oyun oynayırıq, həyatın özünü belə təəccübləndiririk, maskalar taxıb rollar oynayırıq... Üzdə gülürük insanlara, arxasını dönən kimi arxasınca danışırıq...
15. Biz elə bir cəmiyyətdə yaşayırıq ki, hər yaxşıda, hər pozitivdə bir pislik, bir neqativ axtarırıq....
16. Biz elə bir cəmiyyətdə yaşayırıq ki, gənclərimizi savadsız olmaqda, kitab oxumamaqda ittiham edirik, amma özümüz bunu aradan qaldırmaq, onları savadlandırmaq, dünyagörüşünü artırmaq üçün demək olar ki, iş görmürük...Gənclərə kitab alıb hədiyyə etmirik...
17. #buölkədən heşteqi yaradıb, sonra "#buölkədən Ukraynaya "bazlıq" üçün gedib qayıdardım" yazan qaqaşlarla bir cəmiyyətdə yaşayırıq biz...
Ardı olacaq...
Ölkə.az
