Komikslərdəki qəhrəmanlara bənzəmək üçün görün, nə etdi

O, həyatı ilə risk edib.

Ölkə.Az "The Daily Mail"ə istinadən xəbər verir ki, 25 yaşlı braziliyalı Romario dos Santos Alveş komiksdəki qəhrəmanlara bənzəmək üçün spirt, yağ və pis qarışıqlardan ibarət inyeksiyalar və vücuduna sintol vurmaqla əzələlərini həddindən artıq şişirdib.

"Bədənimin böyük, əzələlərimin relyefli formada və güclü, vücudumun atletik olmasını arzu edirdim. Komikslərdəki qəhrəman-xilaskarlara, supermenə bənzəmək istəyirdim. İndi isə peşmanam. Çox peşmanam", - deyə Romario dos Santos Alveş deyib. Bir övlad atası Alveşin sağlamlığında çox ciddi problemlər yaranıb və o, həyatı ilə risk edir.

O bildirib ki, hormon, steroid və sintoldan 3 il bundan əvvəl istifadə etməyə başlayıb. Onun həyat yoldaşı 22 yaşlı Marisangela Maurinyu ərinin bu təhlükəli "əzələ yarışının" qarşısını almağa çalışsa da, heç nəyə nail olmadığını söyləyib. O, Alveşin yenidən hormon və ya sintol inyeksiyası edəcəyi halda, oğlu Asaffini də götürərək onu tərk edəcəyini bildirib.

Qeyd edək ki, keçən ilin avqust ayında Alveşin əzələlərində qaralmalar başlayanda həkimlər çıxış yolunu amputasiya edilməkdə görüblər, ancaq sonradan müalicə nəticəsini verib və indi hər şey qaydasındadır.

Ölkə.Az