Dünyada ölkəsi olmayan, silah təsvirli bayraqlar və onların mənaları - Tarixi faktlar

"Ölkə.az" Musavat.com-a istinadən Bayraq günü münasibətilə dünya dövlətlərinin bayraqlarından bəhs edən yazını təqdim edir.

Dünyanın ilk bayraqları Hindistan və Çində olub. Bu çox qədim tarixə təsadüf etdiyindən bayraqların hansı ölkədə birinci olduğunu müəyyənləşdirmək mümkün olmayıb.

Bu günə qədər istifadə olunan ən qədim bayraq isə Dannebroq bayrağıdır.

Tarixə nəzər yetirsək Dannebroq bayrağının 13-cü əsrdə Danimarkanın dövlət bayrağı olduğunu görərik və elə bu gün də həmin bayraq adıçəkilən ölkənin dövlət bayrağıdır.

Paraqvay bayrağı “iküzlü” olması ilə fərqlənir.

Belə ki, bu bayraq dünyada yeganə bayraqdır ki, hər üzündə müxtəlif təsvirlər var. Bir üzündə sarı ulduz- ölkənin gerbi, digər üzündə dövlət xəzinadarlığının emblemi olan şir təsviri.

Nepalın bayrağı formasına görə dünyada fərqlənən, yeganə dördkünc olmayan bayraqdır.

2012-ci ilədək dünyada yeganə birrəngli bayraq Liviya bayrağı olub. Belə ki Liviya bayrağı birrəngli olmaqla yanaşı, həm də təsvirsiz olub.

Dünyada ölkəsi olmayan bayraqlar da mövcuddur. 1971-ci ildə Londonda qaraçılar öz bayraqlarını qəbul ediblər.

Onu dünyanın ayrı-ayrı ölkələrində yaşayan bütün qaraçılar qəbul etsə də, bu bayrağın ölkəsi yoxdur. Əsl vətənlərini Hindistan hesab edən qaraçılar öz bayraqlarında Hindistanın bayrağının üzərində olan çarxı əks etdirməyi də unutmayıblar.
Qırmızı, göy və ağ rənglərindən biri bütün dövlət bayraqlarında var.

Yalnız Yamaykanın dövlət bayrağı yeganə bayraqdır ki, bu rənglərin heç birindən istifadə olunmayıb.

Çin Xalq Respublikasının qırmızı rəngli bayrağında 1 böyük ulduz, 4 kiçik ulduz təsvirləri var.

Böyük ulduz Kommunist Partiyasını ifadə edir. Kiçik ulduzlar isə ölkə siniflərini – kəndlilər, fəhlələr, kiçik burjuaziya və fəhlə sinfinin tabeliyində olan burjuaziyanı əks etdirir.

Mozambikin dövlət bayrağı yeganə bayraqdır ki, üzərində müasir silah təsviri var. Həmin silah isə keşmiş SSRİ-yə məxsus olan Kalaşnikov avtomatıdır.

İsveçrənin dövlət bayrağını digər bayraqlardan fərqləndirən onun kavadrat formasında olmasıdır.

Nasist bayrağı şəxsən Hitlerin özü tərəfindən yaradıldığı bayraqdır.

Mübahisəli olan bu bayrağı istifadə etmək bir sıra ölkələrdə qadağan olunub. Hitler bayraqdakı rənglər haqqında qeyd edib ki, bu rənglərdən istifadə bizim ənənəmiz və keçmişə olan hörmətimizdir ki, bütün bunlar alman millətinə böyük şərəf gətirib.

Bütün ölkələrdə dövlət tərəfindən elan edilmiş matəm günlərində dövlət bayraqlarına qara lent bağlanır və bayraq dirəklərinin yarısına qədər endirilir. Bu ənənə yalnız Səudiyyə Ərəbistanında mövcud deyil.

Bayraqlar sırasında bir bayraq da var – Ağ bayraq.

Bu bayraq beynəlxalq səviyyədə barışığın əldə edilməsi, yaxud müharibənin başa çatması və danışıqların aparılmasını xahiş etmək nişanıdır. Ağ bayraq həmçinin təslim olmaq niyyətini də bildirir, buna görə də adətən zəif hərbi tərəf bu bayraqla çıxış edərək danışıqlara başlamağı xahiş edir. Hazırda Ermənistan bu bayraqdan istifadə edir. Daha doğrusu, 44 gün ərzində Azərbaycan ordusu məcburi şəkildə Ağ bayrağı Ermənistanın əlinə verib.