"iPhone"-dan möhtəşəm yenilik - bu düymə artıq olmayacaq

Növbəti yenilik.

Ölkə.Az xəbər verir ki, yeni iddiaya görə, "Apple" şirkəti "Home" düyməsini gələcək "iPhone"larından çıxarmağı planlaşdırır.

"iPhone"lar və "iPad"ları digərlərindən fərqli edən dizayn elementlərindən biri önündəki "Home" düyməsidir. Ən yeni cihazlar bu düymə yerinə "Touch ID" barmaq izinin tanınması funksiyasıyla gəlir, ancaq yeni hesabata görə, düymə öz son günlərini yaşayır.

"Digitimes"ın "Apple"dakı mənbələrinin verdiyi məlumata görə ABŞ firması bu aralar "Home" düyməsindən xilas olmaq üçün yol axtarır. İddiaya görə, "Apple" "iPhone"lar üçün sensor və ekran idarəçisinin birləşdirilməsi üzərində çalışır. Bu yenilik dizaynda çox incə ekrana və bu səbəbdən daha incə "iPhone"un meydana gəlməsinə imkan verəcək.

Hesabata görə, yeniliklər "Home" düyməsinin qaldırılması və ekranın boş qalan hissəyə doğru böyüdülməsi ilə nəticələnə bilər. Texnologiyanın hazır olub-olmadığı mövzusunda hər hansı məlumat yoxdur.

Ölkə.Az