Qeyri-adi ekorayon layihəsi - FOTO
Futuristik layihələri ilə tanınan belçikalı memar Vinsent Kallebut Yeni Dehlidə (Hindistan) tikintisi planlaşdırılan bütöv bir ekorayon layihəsini təqdim edib. Belçikalı memar bu dəfə "Hyperions" adlı çoxfunksiyalı kompleksin konsepsiyasını hazırlayıb.
"Ölkə.Az"ın məlumatına görə, burada - yaşayış sahələrinin yanında üzvi qida istehsal edən təsərrüfatlar yerləşəcək və alternativ enerji mənbələri ərazinin elektrik enerjisinə olan tələbatını tam ödəyəcək.
Layihə polad konstruksiyalarla möhkəmləndirilmiş, yerli istehsal olan laminatlı taxta panellərdən hazırlanmış altı 36 mərtəbəli qüllədən ibarətdir. Binalar üçün enerji külək turbinləri və xüsusi elementlər tərəfindən yaradılacaq.
Yaşayış mənzilləri ilə yanaşı, hər bir qüllədə restoranlar, idman zalları və ofislər olacaq.
