BƏƏ Hörmüz boğazından neft ixracını dayandırmağı planlaşdırır

Ölkə.az xəbər verir ki, BƏƏ-nin Dövlət Ticarət Naziri  Tani bin Əhməd Əl Zeyudi CNBC Arabia -ya verdiyi müsahibədə ölkənin bu strateji marşrutdan, xüsusən də neft ixracı baxımından asılılığını "sıfıra" endirmək üçün bir strategiyaya başladığını bildirib.

Onun sözlərinə görə, hazırda alternativ təchizat marşrutu üzərində işlər aparılır və bu ilin sonuna qədər tamamlanması planlaşdırılır. Bundan əlavə, BƏƏ hakimiyyəti neft hasilatının gələcək artımını təmin etmək üçün nəzərdə tutulmuş üçüncü ixrac dəhlizinin yaradılmasını araşdırır.

Nazir həmçinin BƏƏ-nin nəqliyyat infrastrukturunun İraqın Bəsrə şəhəri ilə, daha sonra isə Türkiyə və Suriya ilə birləşdirilməsinin strateji cəhətdən əhəmiyyətli bir layihə olduğunu vurğulayıb. O əlavə edib ki, BƏƏ yaxın aylarda Türkiyə-Bəsrə dəhlizinin inkişafına investisiyaları sürətləndirmək niyyətindədir.

Elvin

Ölkə.az