Zelenski ailəsində necədir? - Həyat yoldaşından açıqlama
Ukrayna Prezidenti Volodimir Zelenskinin həyat yoldaşı Yelena İtaliyanın Rai 1 kanalında yayımlanan “Porta a Porta” verilişinə müsahibəsində ailədaxili vəziyyət haqqında açıqlama verib.
“Ölkə.Az” xəbər verir ki, iyulun 3-də baş tutan söhbətin səsyazısı Ukrayna Prezident Aparatının "YouTube" kanalında da yayımlanıb.
Jurnalistin “Ərinizin beynəlxalq aləmdə böyük hörməti var. Ailə dairəsində də o qədər qətiyyətli və möhkəmdir, yoxsa daha mülayimdir” sualına Zelenskaya belə cavab sual verib: “Ailə daxilində onunla tərəfdaşlıq münasibətlərimiz var, biz bərabərhüquqluyuq və uşaqlarla yumşaqxarakterlidir. Onunla istədiklərini edirlər”.
Volodimir və Yelena Zelenski 2003-cü ildən evlidirlər. Onların iki övladı var. Qızı Aleksandra 2004-cü ildə, oğlu Kiril - 2013-cü ildə anadan olub. Cütlük “Kvartal 95” studiyasında birlikdə çalışıb.
Mürtəza
Ölkə.Az
