NASA bu görüntüləri ilk dəfə paylaşacaq: saatlar qaldı...

Ölkə.Az xarici KİV-ə istinadla xəbər verir ki, yerdən təxminən 1,5 milyon kilometr uzaqlıqda yerləşən Ceyms Vebb teleskopu tərəfindən qeydə alınan görüntülər iyulun 12-də ABŞ vaxtı ilə saat 10:30-da yayımlanacaq.

NASA-nın Avropa və Kanada kosmos agentlikləri ilə əməkdaşlığının məhsulu olan Vebb, ən böyük və ən güclü, lakin 31 yaşında olan və iş ömrünün sonuna yaxınlaşan Hubble Kosmik Teleskopunun varisi olaraq görülür.

Vebb 6 aylıq hazırlıq müddətini tamamladıqdan sonra yayımlanacaq ilk rəngli şəkillər gələcək elmi missiyaların başlanğıcını təmsil edəcək.
Kosmosun sirlərinə qapı açan teleskopun aydın və yaxşı fokuslanmış şəkillər çəkə bildiyi və gözləntilərin üzərində optik performans sərgilədiyi paylaşılır.

Bu günə qədər ən qabaqcıl kosmos teleskopu kimi tanınan Ceyms Vebbin təqdim edəcəyi görüntülər kainatın əmələ gəlməsi və yaşana biləcək digər planetlərin kəşfi baxımından əhəmiyyətlidir.

Teleskop 13,5 milyard il əvvəl Böyük Partlayışdan sonra ilk dəfə yaranan ulduzların işığını tutaraq kainat tarixinin bütün mərhələlərini öyrənməyi hədəfləyir.
Paylaşılacaq ilk görüntülər arasında 7600 işıq ili uzaqlıqdakı nəhəng qaz buludu olan Karina

Dumanlığı və 2000 işıq ili uzaqlıqda sönən bir ulduzu əhatə edən Cənub Halqası Bulutsusu yer alacağı bildirilir.

Dünyadan təxminən 1150 işıq ili uzaqlıqda yerləşən və 2014-cü ildə kəşf edilən "WASP-96b" adlı nəhəng qaz kütləsinin görüntüsünün işıq və səs analizi ilə araşdırılaraq məlumatı ortaya çıxarması gözlənilir.

Başqa bir görüntünün isə təxminən 290 milyon işıq ili uzaqlıqdakı “Stefan Kvinteti” adlı qalaktika qrupu olduğu bildirilir.

“SMACS 0723” adlı kosmik obyekt də paylaşılacaq şəkillər siyahısında sonuncu yerdədir.
Alimlər qeyd edirlər ki, teleskopun infraqırmızı qabiliyyəti ona 13,8 milyard il əvvəlki Böyük Partlayış dövrünə qayıtmağa imkan verir.