Təkrar emal heç bir işə yaramır - Diqqət çəkən araşdırma

Ölkə.Az xarici KİV-ə istinadla xəbər verir ki, 100 min ev təsərrüfatının plastik tullantılarının sayıldığı araşdırmada ölkə daxilində hər il orta hesabla 100 milyard plastikin atıldığı müəyyən edilib.
Araşdırmada iştirak edən ev təsərrüfatlarından həftədə 66 ədəd plastik tullantı çıxıb.
Araşdırmaya rəhbərlik edən ətraf mühit təşkilatları “Greenpeace” və “Everyday Plastic” təkrar emalın özlüyündə bir həll yolu olmadığına diqqət çəkib.

“Greenpeace”in plastik aktivisti Kris Dorn bunun heyrətamiz miqdarda tullantı olduğunu bildirib:

"Problemi təkrar emalla həll edə biləcəyimizlə bağlı deyilənlər sənayenin aldadılmasından başqa bir şey deyil. Biz hər il 100 milyard ədəd plastik tullantı istehsal edirik. Və təkrar emal bunun yanında heçnədir”.

Tədqiqat iştirakçılarından bir həftə ərzində atdıqları plastik qabların sayını və növünü qeyd etmələri istənilib. Onların 83 %-nin qida və içki paketləri olduğu müəyyən edilib. Ən çox yayılmış tullantı tərəvəz və meyvə paketləridir.

Araşdırmanın nəticələrinə dair hesabata görə, bütün növ plastikləri parçalamaq və təkrar emal etmək asan deyil. Plastik şüşələrin 61%-i, plastik saxlama qablarının 36%-i və plastik plyonkaların yalnız 8%-i təkrar emal olunur.

Plastiklərin siyahıyaalınması müəyyən etdi ki, atılan plastiklərin əksəriyyəti təkrar emal edilməsi daha çətin olan yumşaq plastiklərdir.

“Recoup” adlı təşkilatın məlumatlarına istinadla edilən hesablamaya görə, İngiltərədə ölkədəki plastik tullantıların yalnız 12 %-i faktiki olaraq təkrar emal olunur.

“Everyday Plastic”in qurucusu Daniel Vebb BBC-yə açıqlamasında deyib ki, istehsal ediləm plastik miqdarını azaltmaq lazımdır.

Qeyd edək ki, İngiltərənin istefa verən Baş naziri Boris Conson da 2021-ci ilin oktyabrında təkrar emalın işə yaramadığını demişdi.

Billurə