Lavrovun yeganə varisi haqda bilmədiklərimiz: o və əri kimdir? - FOTOLAR

“Ölkə.Az” xəbər verir ki, Rusiya ilə Qərb arasında toqquşma olsa da, rus elitasının demək olar böyük əksəriyyətinin övladı ya Qərb ölkələrində dünyaya göz açıb, böyüyüb, təhsilini orada alıb, yaxud da  sonradan həmin ölkələrə köçərək təhsillərini orada alıb, həyatlarını da orada sürdürürlər.

Rusiya xarici işlər naziri Sergey Lavrovun yeganə qızı Yekaterina da digər Rusiya siyasi elitasının övladı kimi Qərb ölkəsində, 1982-ci ildə ABŞ-da Nyu-York şəhərində dünyaya gəlib. Yekaterina Nyu-Yorkda anadan olmaqla ABŞ vətəndaşlığı hüququ əldə edib. Orta təhsilini Manhetti məktəbində, ali təhsilini isə Kolumbiya Universitetində politologiya ixtisası üzrə bitirib. Yekaterina magist təhsilini iqtisadiyyat ixtisası üzrə Londonda alıb. Yaxşı Amerika və Avropa təhsili alan Yekaterina öz həyat yoldaşı ilə Londanda tanış olub və ailə həyatı qurub. Yekaterinanın əri Aleksandr Vinakurov da Rusiyada böyük nüfuza malik ailələrdəndir. Aleksandrın ailəsi əczaçılıq sahəsində mediamaqnatlardan biri hesab olunur və o, “Marathon Group” sahiblərindən biridir.

Yekaterina və Aleksandrın toyu Moskvada Prezident Administrasiyasının Qəbul Evində baş tutub.

Yekaterina özü isə 10 il Britaniyanın antikvar və sənət əşyaları satan “Christie's” hərrac evinin Rusiya filialının direktoru olub. Qərb-Rusiya qarşıdurmasından sonra bu vəzifəsindən getmək məcburiyyətində qalıb və sənətinin təbliği və inkişafı sahəsində biznes fəaliyyətinə başlayıb. Firma rəssamlar və kolleksiyaçılar arasında vasitəçilik fəaliyyəti ilə məşğuldur.

Ukrayna müharibəsi səbəbindən Lavrovun qızına da sanksiyalar tətbiq edilib və ona Avropa ölkələrinə səyahət qadağaları qoyulub.

Belə bir qadağa Sergey Lavrovun ögey qızı Polina Kovalevaya da tətbiq edib.

Mürtəza
Ölkə.Az