Üç yaşında “Time”ın üz qabığında yer alan II Elizabet... - FOTO
ABŞ-ın “Time” jurnalının sentyabr buraxılışının üz qabığı II Elizabetə həsr olunub.
“Ölkə.az” qafqazinfo-ya xəbər verir ki, nəşrin tviter səhifəsində deyilir:
““Time”ın yeni xatirə üz qabığı. Kraliça II Elizabet, 1926-2022”.
Kraliçanın xatirə üz qabığındakı şəkli qırmızı deyil, gümüşü çərçivəyə alınıb. Bu çərçivə sonuncu dəfə 2008-ci ildə Barak Obamanın şəklinin üz qabığı üçün istifadə olunub. Həmin ildə o, ABŞ Prezidenti seçilmişdi.
Qeyd edək ki, “Time” jurnalı Kraliça II Elizabetin şəkillərini dəfələrlə üz qabığında yerləşdirib. Kraliçanın yer aldığı birinci üz qabığı 1929-cu ilin aprelində təqdim olunub. Həmin vaxt o, şahzadə Lilibet idi. Fotoda Böyük Britaniyanın gələcək hökmdarının 3 yaşı var. O vaxtdan Kraliçanın şəkilləri 10-a yaxın üz qabığında yer alıb.
