Ölümə yaxın olanların yaşadıqları 5 əlamət

Ölümə yaxın olanların yaşadıqları 5 əlamət - ARAŞDIRMA

Həyatımızın nə vaxt bitəcəyi və ya ölüm anında nələrin baş verə biləcəyi kimi suallar bəşər tarixinin ən böyük sirləri arasındadır. Demək olar ki, bütün mədəniyyətlər, inanclar və miflər həyatın mənasını və ölümdən sonrakı imkanları izah etsə də, bir çox insanlar xüsusilə ölüm anında nələrin baş verə biləcəyi ilə bağlı elmi araşdırmaları maraqla izləyirlər.

Ölkə.Az xarici KİV-ə istinadla xəbər verir ki, ölümə yaxın təcrübələrlə bağlı ən təəccüblü araşdırmalardan biri ABŞ-ın Nyu-York şəhərində aparılıb. "Həyat nədir? Nə vaxt bitər?" kimi suallara cavab axtarılıb.
ABŞ-ın Nyu-York şəhərində tibb mərkəzində çalışan britaniyalı həkim Dr. Sam Parnia reanimasiya şöbəsindəki xəstələrin tibb işçilərinin səsini eşidib eşitmədiklərini və ya o kritik anlarda şüurlarının nə qədər açıq olduğunu araşdırmaq qərarına gəlib.

Tədqiqat qrupu ilə düz 25 il bu sualları davam etdirən həkim və “NYU Langone Health” komandası çoxlarının diqqətini çəkən mühüm nəticələr əldə edib.

İnfarkt keçirərək həyata qayıdan 567 kişi və qadın xəstə üzərində aparılan araşdırmada ilk olaraq 53 nəfərin reaksiyaları izlənilib. Tədqiqatçılar xəstələrin beyninə monitorinq aparatı yerləşdiriblər. Bu monitorinq cihazı sayəsində onların beyninin məlumat aldığına dair siqnalın olub-olmadığı izlənilib.

Xəstələr müalicə olunarkən onların qarşısına ekran qoyulub. “Alma”, “armud” və “banan” kimi sadə sözlər hər 5 dəqiqədən bir xəstələrə dinlədilib. Sözügedən səsyazısı ilə yanaşı, həmçinin meyvələrin görüntüləri də göstərilib.

Bir xəstə ürəyinin masaj edilməsini hiss etdiyini bir çoxları yuxu kimi təcrübələr yaşadıqlarını bölüşdülər. Bu yuxular arasında mahnı oxuyan balıqçı və ölü bir qadın var idi. Xəstələrdən biri isə illər əvvəl itirdiyi nənəsinin ona "öz bədəninə qayıt!" dediyini, başqa bir xəstə isə qızdırmalarla cəhənnəmdə yandığını söyləyib.

Dr. Parnia və komandası ölümə yaxın xəstələrinin təcrübələrini 5 əsas başlıq altında ümumiləşdirib:
1- Ürək masajının (ürək nahiyəsinə süni tənəffüs və əl təzyiqi, bu da ürək masajı kimi izah edilə bilər) bədənlərinə təsirini hiss etmək;
2- Onları müalicə edən tibb işçilərini eşitmək;
3- Ürək masajından sonra reanimasiya şöbəsindəki fəaliyyətləri xatırlamaq;
4- Həyatını və başqalarına təsirini qiymətləndirmək;
5- Çox vaxt ev kimi qəbul edilən bir hədəfə doğru addımlamaq.

Dr. Parnia bu təsirlər arasında ən təəccüblü və ümumi təcrübənin "öz həyatını və başqalarına təsirlərini düşünmək" olduğunu söyləyib.

Fidan