Azərbaycan və Türkiyə alimlərinin əməkdaşlığı genişlənir
İstanbul Texniki Universitetinin Geologiya mühəndisliyi tələbəsi Muhamməd Namazlı, magistr təhsilinin sonunda, Azərbaycan Milli Elmlər Akademiyasının vitse-prezidenti akademik İbrahim Quliyevin və İstanbul Texniki Universitetinin professoru Sedat İnanın 1997-ci ildə təməlini qoyduğu “Deep Petroleum occurrences in the Lower Kura Depression, South Caspian Basin, Azerbaijan: An organic geochemical and basin modeling study” layihəsini əsas alınaraq , Azərbaycan Milli Elmlər Akademiyası ilə İstanbul Texniki Universitetinin əməkdaşlığı çərçivəsində “ A study of Mud Volcano Formation by Basin Modeling in the Lower Kura Depression, South Caspian Basin, Azerbaijan” mövzusunda elmi işini müdafiə etmiştir. Magistr işində Azərbaycan Milli Elmlər Akademiyasında edilən Geokimyasal analizlər, tərtib olunan geoloji profil kəsilişləri istifadə olunaraq PETROMOD proqram təminatında tələbə tərəfindən 2 ölçülü (2D) modellər qurulmuş və Aşağı Kür çökəkliyində palçıq vulkanlarını tətkiləyən faktorlar müəyyən edilərək palçıq vulkanlarının başverməsində yeni mexanizm təklif edilmiştir. Magistr işinin müdafiəsində komissiya üzvü və fəxri qonaq olaraq Akademik İbrahim Quliyev, İstanbul Texniki Universitetindən ,elmi rəhbər olaraq, Prof. Sedat İnan, Prof. Kadir Eriş, İstanbul Universitetindən Prof. Hakan Hoşgörməz və y.e.ü.f.d Rəqsanə Əsgərova iştirak etmişlərdir. Yerinə yetirilən elmi iş komissiya üzvləri tərəfindən yüksək qiymətləndirilmiş Azərbaycan Milli Elmlər Akademiyası və İstanbul Texnik Universiteti arasında gələcək birgə elmi layihələrin müzakirəsinin gedişində bu elm ocaqlarının əməkdaşlığının iki ölkə arasında dostluq, qardaşlıq və strateji müttəfiqlik münasibətləri zəminində daha da dərinləşəcəyinə, Türk dünyası üçün elmi kadrların hazırlanmasında əhəmiyyətli olacağına əminlik ifadə edilib. Prof. Sedat İnan və Muhamməd Namazlı müdafiə sonunda Akademik İbrahim Quliyevə bu elmi işin ərsiyə gəlməsində həm elmi həm də mənəvi dəstəyinə görə dərin minnəttarlığını bildirmişlərdir.
