Niyə telefona “alo” deyə cavab veririk? - Tarixi XVI əsrə gedib çıxır

 Bu söz qədim zamanlarda müxtəlif mənalar daşıyırdı

Telefonu götürəndə salam kimi “alo” deyirik. Ümumbəşəri şəkildə işlənən bu söz qədim zamanlarda müxtəlif mənalar daşıyırdı. Vaxt keçdikcə formasını dəyişən söz telefonun ixtiraçısı Tomas Edisonun sayəsində bu qədər populyarlaşdı.

Bu gün zəng edənə “alo” deyərək salam veririk, lakin o söz həmişə o məqsədlə işlədilməyib. Bu söz XVI əsrdə “dayan” mənasında “halo” kimi istifadə edilmişdir.

Sonrakı bir neçə əsrdə bu söz kiminsə diqqətini cəlb etmək üçün istifadə olunurdu (məsələn, uzaqdan kiməsə “hey!” qışqırmaq). Bir müddət bu söz hətta itlərə göstəriş vermək üçün də istifadə olunurdu (bir növ atların hərəkət etməsi üçün "deh" kimi).

Lakin 19-cu əsrdə telefonun yayılması ilə hər şey dəyişdi. Telefonun ixtiraçısı kimi tanınan Tomas Edison telefondan istifadə edən insanlar üçün söz axtarırmış və bunun "halo" olacağına qərar vermiş və onu ətrafındakı insanlara təklif etmişdir.

Buradakı “halo” yenə bildiyimiz “alo” deyil. O vaxtlar telefon xətləri o qədər də təkmil deyildi, təbii ki, xətlərdə problemlər var idi. Zəng edənin diqqətini cəlb etmək üçün “halo” sözü işlədilirdi; yəni "orada kimsə varmı?" kimi.

Edisonun təsiri ilə o dövrdə istehsal olunan telefonların istifadə kitabçalarında kiməsə zəng etdikdə qarşı tərəfə “halo” deməsi tövsiyə olunurdu.(sherg.az)

Zaman keçdikcə telefon xətləri yaxşılaşdı və “halo” sözü zəng edənə deyil, zəngi qəbul edən şəxsə qarşı salamlama sözü kimi istifadə olunmağa başladı.