Qadınların bığlı kişilərə münasibəti necədir?

Bığlı kişilərə cəmiyyətdə həmişə münasibət fərqli olub.

Tarixin müxtəlif dövrlərində kişilərin bığları həmin dövrün dəbinə uyğun formaca dəyişib. Dövr olub ki, kişilər arasında lopa, burma "Koroğlu bığları" dəbdə olub, dövr olub ki, kiçik və nazik, hətta gözlə zorla seçiləcək boyda bığlar saxlayıblar. İstənilən halda insanların geyimləri kimi, onların saç düzümü, bığı və saqqalı zövqə və dəbə uyğun olub.

Bəs bu gün cəmiyyətdə insanlar hansı dəbə üstünlük verirlər? Bığ saxlamaq kişilər arasında nə qədər geniş yayılıb və müasir qadınların bığlı kişilərə münasibəti necədir? Bu suallara cavab tapmaq üçün Ölkə.Az-ın çəkiliş qrupu paytaxtımız Bakı şəhərinin küçələrində gənc xanımlar arasında "Oğlanlar bığ saxlasınlarmı?" adlı videosorğu keçirib.

Sorğuya verilən cavablar elə də müxtəlif olmayıb. Rəyi soruşulan gənc xanımların əksəriyyəti bığlı kişilərə rəğbət bəsləmədiklərini bildiriblər. Xanımlardan bəziləri sualımıza "Yaraşırsa buraxsın", bəziləri isə "Şəxsən mənim zövqümə uyğun deyil" kimi cavab veriblər.

Gəlin bu maraqlı videosorğumuzu birlikdə izləyək:

Çinarə Vahabzadə və Nurlan Gülməmmədov

Ölkə.Az