"Qurani-Kərim Məhəmməd peyğəmbərdən öncə yazılmış ola bilər"

Ölkə.Az xəbər verir ki, Böyük Britaniyada dərc olunan "Times" qəzeti bu haqda yazıb.

Qəzet Birminhem Universitetinin kitabxanasında bir ay əvvəl tapılmış bir Qurani-Kərim nüsxəsi üzərində aparılan karbon testlərinin nəticəsinə görə Quranın Məhəmməd Peyğəmbərdən əvvəl yazılmış olma ehtimalı olduğunu yazıb.

Birminhem Universitetindəki Qurani-Kərim nüsxəsi Yaxın Şərqdən təqribən yüz il əvvəl gətirilmiş bir çox kitab və sənədin də yer aldığı kolleksiyada aşkar edilib.

Tapılan Quran nüsxəsinin hansı dövrdə yazılmasını müəyyənləşdirmək üçün Oksford Universitetində karbon testi həyata keçirilib. Testlərin nəticəsi isə nüsxəsinin 568 və 645-ci illər arasında bir tarixdə yazıldığına işarə edir.

Məhəmməd peyğəmbərin doğum tarixi kimi 570-ci il (bəzi mənbələrə görə 571-ci il), ölüm tarixinin isə 632-ci il olduğu nəzərə alınsa yeni bir müzakirə mövzusunun yarandığını demək mümkündür.

Testlərin nəticəsinə baxılarsa bu məlumatlara görə isə ən gec tarix üçüncü xəlifə olan Osmanın əmri ilə ilk Quranın toplandığı 653-cü ildən əvvələ, ən tez çıxan tarix isə Məhəmməd peyğəmbərin uşaqlıq dövrünə, onun doğumundan öncəki tarixə təsadüf edir.

Bu xəbərə münasibət bildirən "Tarixçi" və "The Shadow of The Sword" (Qılıncın Kölgəsi) adlı kitabların müəllifi Tom Holland İslam dininin mənşəyinə dair məlumatlarda səhvlərin olduğunu və yeni tapıntıların bu şübhələri artırdığını qeyd edib.

Ölkə.Az