Bu məhsullar həbsxanada hazırlanır - hətta " Victoria’s Secret"

Heç kəsə sirr deyil ki, dünyada həbsxanalara təkcə cinayətkarlar yox, həm də çox yaxşı və bacarıqlı ustalar da düşür. Onlar cəzalarını çəkməklə yanaşı, insanlara fayda verməyi bacarırlar.

Ölkə.Az olaraq müxtəlif həbsxanalarda məhbusların hazırladıqları məhsulları təqdim edirik.

ABŞ

Bu ölkədə qida məhsullarından tutmuş məişət texnikasına qədər bir çox mallar məhz məhbusların əlindən keçir. İstehsalata yalnız nümunəvi davranışı ilə seçilən məhbuslar buraxılır. Bundan əlavə, onlar müsahibədən də keçməlidirlər. İşləmək əlavə stimullaşdırıcı rolunu oynayır. Belə ki, daha çox işləyən və fayda verən şəxslərin həbs müddəti azaldıla bilər. Qazanılan pulların 20% isə onlara çatır.

Bir çox məşhur brendlər ABŞ məhbuslarının xidmətindən yararlanır. Onların arasında populyar alt paltarlar istehsalçısı olan "Victoria’s Secret" də var.

Estoniya

Estoniya bu məsələdə daha irəli gedib və həbsxanalarda hazırlanan məhsullar üçün xüsusi dəb brendi yaradıblar. Nəticədə "Heavy Eco" şirkəti meydana gəlib. Bu şirkət ekoloji cəhətdən təmiz materiallardan olan dizayner paltarlarına ixtisaslaşıb.

Bu məhsulların qiyməti də az deyil. Bir t-shirt üçün 40 dollar vermək lazımdır.

Əldə olunan maliyyə vəsaiti isə uşaq evləri və yetimxanalara sərf olunur. Buna xüsusi diqqət ayrılır, çünki cinayətkarların böyük hissəsi aztəminatlı ailələrdən çıxır.

Boliviya

Boliviya də analoji həbsxana geyim brendi yaradıb. Bu layihənin təşəbbüskarı isə yerli həbsxanalarından birini ziyarət edən fransız dizayner Tomas Ceykob olub.

Layihənin yaradıcıları bütün dünyaya bir çox eksklüziv əşyalar nümayiş etdirib.

Qeyd edək ki, iş prosesinə yalnız günahını boynuna almış və təəssüf hissi keçirən məhbuslar buraxılır. Hər qazancın müəyyən faizi onlara verilir.

Braziliya

Braziliyanın Juis-di-Fora şəhərində də həbsxana sakinləri dəbli paltarların istehsalı ilə məşğuldurlar.

Keyfiyyətli işi ilə fərqlənənlər vaxtından əvvəl azadlığa buraxıla bilərlər.

Rusiya

Rusiyanın həbsxanalarında məhsulların geniş assortimenti hazırlanır. Belə ki, Rusiyanın Federal xidmətinin balansında 30-a yaxın müəssisə var.

200 minə yaxın şəxs istehsalata cəlb edilib.

Bütün bu işlər bir daha sübut edir ki, məhbuslar hətta həbsxanada belə normal həyata qayıda bilirlər.

Ölkə.Az