Sevgidə əks qütblər bir-birini çəkmir, 89% insan... - Psixoloq

"Əks qütblər bir-birini çəkir, amma sevgidə belə deyil".

Ölkə.Az xəbər verir ki, bu sözləri klinik psixoloq Fuad Əsədov deyib. O, hətta bununla bağlı aparılan araşdırmanı da misal göstərib:

"Elm adamları 80 mindən çox sevgili və özlərini xoşbəxt hiss edən evli cütlüyü araşdırıblar. Məlum olub ki, insanlar özlərinə maksimum dərəcədə bənzər olan insanlara aşiq olurlar. 
Bu arada, xoşbəxt ailə həyatı ürək xəstəlikləri ehtimalını önəmli dərəcədə azaldır. 

Kolorado Universitetinin tədqiqatçıları 80 mindən çox cütlüyü 130 fərqli xüsusiyyət üzərindən dəyərləndiriblər. Tədqiqat göstərir ki, eyni zövqləri, maraqları və dünyagörüşünü bölüşən insanlar daha çox bir-birinə aşiq olurlar və onların münasibəti daha xoşbəxt olur. 

"Nature Human Behaviour" jurnalında yayımlanan məqalədə yazılır ki, sizinlə eyni siyasi görüşü, əyləncə anlayışını, sosiallıq səviyyəsini bölüşən insanlara aşiq olma və onlarla xoşbəxt olma ehtimalınız 82-89%-dir. Sadəcə 3% insan özlərindən fərqli insanlara aşiq olurmuş. 
Tədqiqatda öncəki illərdə və fərqli yerlərdə aparılmış araşdırmaların da dataları nəzərə alınıb. 

Dolayı yolla, özünüzdən başqası yalandır. Siz sadəcə sizin kimi biri ilə xoşbəxt ola bilərsiniz", - deyə o söyləyib.

Billurə